شعر جديد

[صادق العراقي]

روحي اخذهــه وياك يالرايد تروح
روحي ماتسوه فلــس من دونـــــك
انــه احبك من صدك ماضم علــــيك
لاتجذبني وتصـــــدك ضنونـــــــك
ارسم بخدك شمــــس وبلايــه لــيل
ورسم اللـــــــــيل بسواد عيونـــك
ورسم الجوري عله شفتك والربيع
والزمرد مـــــن براك سنونـــــــــك
حــــته لوطيح وبعد مابيــــه اكوم
انـــه اكومن مــن تكلي شلونــــك
مـــن تجوع الروح ماتنعز علــــيك
وكلبي احطنـــــه بوسط ماعونـك
لاتكي ادغـــــيرت وشغـــــــيراك
انـــــه كلي من الزغر مرهونـــــك
مـــثل قيــس بلــــيله بيك اتولعيت
كول مجنون انــه هم مجنونــــــك
انـــته ســيف بلامحد تذبح يقيـــن
بالـــك مــــن الناس لايعمونـــــــك
جي تنور اتحزمو كلــــهم علـــيك
اتــــعذرو ماكـــدرو ايطفونــــــك
الجمـــال البيـك فاق علــه الجمال
وجي جمـــيل الوادم ايعادونــــك
انـــه موبس انـــه اريدك وشتهيك
حــــته حور العـين هم يردونــــك
دورت بـــالبشر مــثـلك مالكيـــت
واضن بس انـــته فريد بلونـــــــك

http://www.baghdad4ever.net/vb/ramadan/misc/progress.gif

[جواد الحسيني]

عاشت الايادي
كلمات بمنتهى الروعة
لا تحرمنا من جديدك
تقبل تحياتي

[صادق العراقي]

اشكرك علئ شعورك الجميل

[ندى الورد]

كلمات جميلة
مشكور صادق

[QuEeN R7LT7OoB]

يسلمو قطر الندى

تقبلي مروري